مدد يا مولانا ياحسين***مدد يا ابوزين العابدين

.

مدد يا مولانا ياحسين***مدد يا ابوزين العابدين
مدد مدد*مدد مدد***مدد يا مولانا يا حسين

******************************

حديث لجدك طمنى ...بذكره حافضل متهنى
أنا من الحسين و حسين منى***مين اللى ينكر فضلك مين

******************************

شبه الحبيب اصل وصورة***به المكارم منصورة
علشان كده على المقصورة***امم تروح وامم جايين

******************************

كل الوفود جايه وهلا ***من نور حبيبها بتتملا
لما النبى سره تجلى ***اتهنت الروح ويا العين

******************************

سؤال لجدك طمنى***عند المقام انا مستنى
كاس الوصال وتشربنى *** ده المغرمين ع الباب واقفين

******************************

شهيد وسيد للشهداء***والموعودين هم السعداء
والمحرومين هم البعداء***وربنا يهدى الضالين

******************************

لك فى الكرم آية وآية ** والعلم لك رفع الراية
والجنة كانت لك غاية ** مع رضا رب العالمين

******************************

دا خيره وافر فى الأركان ** والمسك عطر كل مكان
مش فاضل الا نشوف رضوان ** على الباب يرحب بالزائرين

******************************

محاسيب بربك مشغولة ** بالأخرى فازوا وبالأولى
دا الدعوة عندك مقبولة *** يقبلها ربى من السائلين

******************************

سيدنا الحسن ابن الزهراء***نسل الامام ابن الطاهرة
استحلفك بالله نظرة***يا ابن بنت رسول الله

******************************

ستى الكريمة بنت الزهراء***نسل الامام نظرة يا طاهرة
استحلفك بالله نظرة***يا بنت بنت رسول الله

******************************

باب العلوم نظرة يا غالى*** عالى المقام يا امام عالى
يا اهل الرضا انظروا حالى***ياال بيت رسول الله

.............

مدد مدد يا مولانا يا حسين

اللهم صل أفضل صلاة على أسعد مخلوقاتك سيدنا محمد وعلى آله وصحبه عدد معلوماتك ومداد كلماتك كلما ذكرك وذكره الذاكرون ،وغفل عن ذكرك وذكره الغافلون

» ترجمة اليوم : الامام على زين العابدين بن مولانا الامام الحسين رضى الله عنهما
» قصيدة فى مدح سيدى على زين العابدين
» مدد يا ابو زين العابدين
» سيدى على زين العابدين
» صور لبعض اضرحة و مقامات أهل البيت بمصر