الملتقى الصوفى للنور المحمدى
عزيزى الزائر عزيزتى الزائرة يرجى التكرم بتسجيل الدخول اذا كنت عضومعنا
او التسجيل معنا ان لم تكن عضو وترغب فى الانضمام الى اسرة المنتدى

سنتشرف بتسجيلك

شكرا لك
ادارة المنتدى

الملتقى الصوفى للنور المحمدى

الملتقي الصوفي للنور المحمدي
 
الرئيسيةالتسجيلدخول


شاطر | 
 

 من علموا عنى ... لسيدى فخر الدين الشيخ محمد عثمان عبده البرهاني الشيخ محمد عثمان عبده البرهاني

اذهب الى الأسفل 
كاتب الموضوعرسالة
المحبة للمصطفى
المدير العام
المدير العام
avatar

عدد المساهمات : 5451
نقاط : 27242
التفاعل مع الاعضاء : 15
تاريخ التسجيل : 18/09/2010
العمر : 68
الموقع : النور المحمدى

مُساهمةموضوع: من علموا عنى ... لسيدى فخر الدين الشيخ محمد عثمان عبده البرهاني الشيخ محمد عثمان عبده البرهاني   السبت أغسطس 11, 2018 10:47 am

من علموا عنى  ...
لسيدى فخر الدين ...
الشيخ محمد عثمان عبده البرهاني :
الشيخ محمد عثمان عبده البرهاني
...
السائل : لو خشينا مثلا لموضوع ذكر القلب ده،
طلب من الإخوان توضح ليهم شوية،
ذكر القلب علاماته، بدايته،
الدخول فيه والإطمئنان عليه؟
مولانا الشيخ: القلب حاجة زى الإيدين،
الرجلين اآضان، العينين، زى ديل،
القلب حاجة ماحدش ينكر إن هو عنده قلب
ولا ماعندوش قلب، مش كده؟
فى ذكر القلب،
ذكر القلب يا يجى لَمن يكون شيخك مجتهد
معاك شديد يوريك ليه ويعلمك، ده ذكر القلب،
وإلا يجى بكترة ذكر اللسان، ظاهر؟
ده اللى حدد السكتين،
ياجى بكترة ذكر اللسان أو شيخك
بيكون معتنى بيك شديد يدرسك ليه تدريس
كده كده كده كده،
إذا الكلام دخل فى رأسك مظبوط
تنتبه ليهُ تلقاه هو يجتهد ليك،
القلب أصلا معناه لسان الروح،
كما إنه اللسان ترجمان القلب، دوغرى؟
يادوب تقولوه فى الدرس وتسجلوه كمان مرة .

السائل: ذكر القلب طالبينه،
طالبينه جماعة من المريدين .... ؟
مولانا الشيخ : ما الواحد بيخاف
ناس الطرق يشاكلونا، عند الناس زى ده مافى،
طيب ياعم الشيخ،
يقفل اللسان سقف الحلق الفوق أو التحت،
بعد ما يعمل الفواتح والافتتاحات،
الفواتح والافتتاحات،
يقفل اللسان فى سقف الحلق الفوق أو التحت،
ويصُك السنون، ويصُك الشلاليف،
ويغمض العينين، يترك السبحة،
ينتبه لقلبه إذا كان بيذكر ..... كده،
يقول الله،
بعد طويل كمان الله،
بعد طويل كمان، الله، ده التعليم بتاعه،
تعلق تعلق الهم وذكر القلب بيشبهوا بعض،
إذا مش زى اللى وصفناه ده يكون تعلق القلب،
أى خواجة ماسك الكتاب وبيقرأ وشلاليفه
ولسانه مايتحركش، ده إسمه إيه؟ تعلق الهم،
ذكرالقلب هو نطق فصيح ظاهر،
يفضل يذكر كده، الإنسان اللى مامنتبه شديد
بيفتكر نفسه هو قاعد ساعة،
ساعة ونصف وقلبه ذكر خمس ست مرات،
يقول ده شوية أمشى الله الله الله نسوى بالسبحة،
بينما الذرة من ده أخير من القناطير من داك،
الحديث كده :
(ذرة من أعمال القلوب خير من مثاقيل الجبال
من أعمال الأبدان)
تمييز ولاَماتمييز؟
تمييز دقيق جداً، مش كده؟
بعدين يفضل كده كده كده يسرع،
يسرع شوية يسرع الله الله الله الله 49 يسرع،
يسرع أخيراً لامن يسمعه بآضانه،
فى الأول لما يجى ينوم يذكر قلبه كويس وينوم،
أول مايصحى ماينتبهش،
ينتبه لقلبه إذا لقاه بيذكر معناه ما نام،
فى النهار وهو بيشتغل فى أشغاله، أشغال دقيقة،
ينتبه يلقاه بيذكر، يكون هو نايم هناك،
بيتونسوا هناك، يسمع كلامهم كله،
معناه القلب مانام،
ده التجربة بتاع ذكر القلب،
بعد كده يسمع ذكره بآضانه .
السائل: تكون عادة، تكون عادة؟
مولانا الشيخ: تكون عادة وبكثرة كثيرة جدا ً،
بعد كده ذكر الروح والاصطلام .
السائل: وفى المعنى ده لا من الذكر ... ... ذرة ..... ؟
مولانا الشيخ: لأ،
بيترقى بعد كده كمان،
لكن ده الآخر،
لَمن تسمعه بآضانك فُتِ المراحل التلاتة .
السائل: يكون ياعم الشيخ يكون اللسان شغال
وقلبه وبرضه شغال مع بعض؟
مولانا الشيخ: أيوة ممكن،
ممكن لكن شغل القلب يكون بالذكر بس
ماتشتغل بيهُأى حاجة تانى .
السائل: سمعنا ياعم الشيخ إنه ذكر القلب
بيكون بصوت مع الذكر ياعم الشيخ يكون بصوت،
يكون عنده صوت فى ناصية كده ذكر القلب ده ذاته؟ .
مولانا الشيخ: أيوة تسمعه بآضانك كيف؟
مابصوت، لذة لذة لذة شديد جداً،
كأن الواحد نجح فى الامتحان،
لذة شديد خلاص،
وذكر اللسان كله اسمه ذكر الغفلة،
بيسموه كنايات:
ذكرك بك منك له.
ذكره بك منك له.
ذكره به منه له،
ده ذكر الروح، اللهم احفظنا


......................
الرجوع الى أعلى الصفحة اذهب الى الأسفل
 
من علموا عنى ... لسيدى فخر الدين الشيخ محمد عثمان عبده البرهاني الشيخ محمد عثمان عبده البرهاني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملتقى الصوفى للنور المحمدى :: ๑۩۩۩۩ مجالس ومدارس العلم للطرق الصوفية ۩۩۩۩๑ :: ๑۩ مدارس ومجالس البرهانية ۩๑-
انتقل الى: