صوت بلادى بلادى بلادى
بيدوى عبر الأجيال
صوت حضارة من يومها جبارة
ياما صنعت أبطال ورجال
صوت شعب ماشى آلاف السنين
كل خطوة منه كفاح ملايين
أمجاده كتبها بحياته
ومصر حياتها خطى المخلصين
عيش حياتك بس ابحث عن ذاتك
يا مصرى وشوف عمرها كام
نور وجودك من خطوة جدودك
شعلة عزم وخير وسلام
صوت شعب مصرى وأعظم ما فيه
اي أخ عربى يعوزه يلاقيه
أمجاده كتبها بحياته
ومصر حياتها خطى المخلصين
رجاله وطول عمر ولادك يا بلدنا رجالة
وغلاوتك يا بلدنا والله مش محتاجه قواله
ده النيل الاسمرانى فارد عالشط بقناديله
والمصرى سكته محروسة بقرأنه وانجيله
من صوت التاريخ يا مصرى تقدر تعرف ذاتك
وهبت للدنيا دنيا جديدة من نبض حياتك
وقت ما كان لسة العالم بيعيش تايه فى الغابة
مصر كانت دولة ولها راية فوق اعلى سحابة
سحابة وندهت للشمس قومى طلى ع الوادى
شوفي مصر الفراعنة فى وادى والعالم فى وادى
ده المصري فى الوادى الاخضر كان سابق زمانه
يتمشى في مزارع قمحه و جناين رمانه
زادك فى القرية نشأك يا مصرى في وسط عيله
والأرض الطيبة فرشتها وسماها ضليله
بتصادفك يا مصرى شدايد لياليها طويله
بتهزمها بخطوتك الجاية والأرض الأصيلة
وأصيلة يا خطاوى ولادنا وتسلم الخطاوى
يا جاية من كفر بهية والطرحة محلاوى
و بهية ياما جدى حكالنا عنها انا واخواتى
ياما خبزت وقالت له علم صبيانى وبناتى
بشراكى يا أرض بلدنا المواكب حواليكى
سمعوكى وقالولك جينا نبنى ونزرع فيكى
والشعب اللى امبارح جاب النصر في اعظم صورة
بالعلم وبالحب اهو جالك بالخطوة المنصورة
ومنصورة دايما يا بلدنا والبركة في شبابك
بطريقهم عرفوه ومنور بسم الله على بابك
يا ماشا الله يا جدعان يا ماشالله و يا خمسه وخميسه
دى العيلة بتستنى شبابها يزوقوا العروسة
صوت بلادي بلادي بلادي
بيدوي عبر الأجيال
صوت حضارة من يومها جبارة
ياما صنعت أبطال ورجال
صوت شعب ماشى آلاف السنين
كل خطوة منه كفاح ملايين
أمجاده كتبها بحياته
ومصر حياتها خطى المخلصين
عيش حياتك بس ابحث عن ذاتك
يا مصرى وشوف عمرها كام
شوف وجودك من خطوة جدودك
شارة عزم وخير وسلام
صوت شعب مصرى وأعظم ما فيه
اي أخ عربى يعوزه يلاقيه
أمجاده كتبها بحياته
ومصر حياتها خطى المخلصين
.............................................
الأربعاء يونيو 12, 2019 3:19 am