من منكم يعرف رجل اخرس اسمه بدر ؟؟

السلام عليكم روحمة الله وبركاته
تبدأ قصتى منذ 3 سنوات ونصف ومنذ هذا اليوم وانا ابحث عن هذا الملاك او ولى من اولياء الله الصالحين الاخرس الذى يدعى بدر

كنت مصاب بالسحر وكان موكل بالسحر مجوس وكنت عندما اسمع القراءن يجرالى اشياء اجارك الله بها وكنت بعيد كل البعد عن الصلاة وكل خير
المهم فى يوم من الايام كنت راكب ميكروباس وكان قاعد معايا اتنين فى الكرسى الاخير فيهم واحد كأن النور خارج من وشه والاتنين فيهم واحد بيتكلم بالاشارة والتانى بيتكلم عادى يعنى فيهم واحد اخرس بس بيسمع والتانى بيسمع وبيتكلم فالمهم الرجل الاخرس بصلى وقالى بايده زى سلام يعنى فرد الراجل الى بيتكلم وقالى عايز يسلم عليك قولتله اهلا وسهلا ياشيخ لان كان باين عليه سبحان الله شبه الملايكة ودقنه جميله قوى قولتله اهلا وسهلا ياشيخ المهم الرجل الاخرس يتكلم والرجل التانى عرفنى بنفسه وبيه قالى هو الشيخ بجدر وعن نفسه محمد قولتلهم اهلا وسهلا وانا اسمى فاضل المهم الشيخ بدر ده قاله يترجملى انى ممسوس وكده قولتله مانا عارف وبيحصلى حاجات تشيب الشعر وروحت لمشايخ كتير جدا فى كل محافظات مصر بس مافيش فايده والله قالى تسمح للشيخ بدر يعالجك مش عارف حسيت بالخوف قوى بس قولتله اتفضل المهم حط ايده على راسى وبعدين مناخيرى وحسيت كأن والله والله والله حسيت كان جمل خارج من جسمى او حاجه تقيله قوى المهم وصلنا فحسيت انى مرتاح نفسيا والنور فى عينى نور اكتر واحساس بالراحه للشيخ بدر دده احساس مش طبيعى المهم لما وصلنا قولتله طيب اؤمرنى على اساس يقولى اديله اى حاجه والله لو كان طلب هدومى لكنت اديتهاله بصلى الشيخ بدر وقالى كلام بترجمة محمد انته عليك دين 350 جنيه قولتله اه انا ناوى اسدده ومعايا منهم 150 جنيه والله والله لقيته خرج من جيبه فلوس ملفوفه وحطها فى جيبى ومشى والله العظيم انا حسيت انى متخدر ومش قادر ارد او ماعرفشى ايه الى جرالى لغايه اما مشى المهم طلعت الفلوس من جيبى لقيتهم 350 جنيه بالضبط
ومن اليوم ده وانا طبيعى جدا بس باحلم فى معظم امورى بالشيخ بدر ده بيوجهنى فى الحلم لاى شئ انا داخل عليه زى الجواز او العمل او او او وبيجيلى كتير انه ولى من اولياء الله الصالحين ومرات يجيلى انه ملاك والله
ياريت لو حد عارف عنوانه او اى حاجه عنه انا نفسى ازوره واقدمله هديه واقعد معاه واردله الدين الى فى رقبتى ليه وشكرا

هذا من فضل الله عليك اخي فضل

اخي انا لست اخصائية ولا شي لكن مثلما ساق الله اليك هذا الرجل الصالح و الطيب ومثلما هو يزورك باحلامك ويطلب منك القيام بامور فيها خير وليست فيها معصية فخذ بنصائحه الى ان يجمعك الله به ثانية

ربما لو بحثت عنه لن تجده الى ان ياذن الله وتجده مرة ثانية كله مكتوب عند الله عز وجل

واحمد الله كثيرا وتقرب اليه عز وجل شانه كثيرا وهي دعوة من الله عز فلبي هاته الدعوة اخي

والحمد لله الذي شافاك وعافاك

انها امتحانات ليعود الانسان الى التوبة النصوحة وطريق النور

و صلى الله على سيدنا ومولانا محمد النبي الامي وعلى اله وصحبه اجمعين

اخي الفاضل

احمد الله تعالي علي حب المولي لك وتسخيره عبدا من عباده يكون سببا لخلاص مما كنت فيه

واعلم اخي ان الرجل الصالح كلف بمهمه واداها وليس مطلوبا ان يقوم باكثر مما فعل

انت تروي انه يجيئك في رؤياك ربما اصبح لك شيخا في الباطن يوجهك فاستقم اخي

واعلم ان اول طريق السير الي الله كله مجاهده فجاهد نفسك ولا تتبع هواك

حفظك الله ورعاك