افتتاحية للمنتدى الجديد ( عادتنا وتقاليدنا وحضارتنا )

السلام عليكم ورحمة الله وبركاته
والصلاة والسلام على سيدى ومولاى محمد بن عبدالله الرسول النبى الامى
وعلى اله الطيبين الطاهرين وصحبه اجمعين الى يوم الدين

احبابى وشيوخنا الكرام
بحثت كثيرا لاضافة منتدى جديد عله يزيدنا بالتعرف على بعض
واسمحوا لى التحدث بعامية اللغه المصرية
وليس عذرا ففى العامية ما يجمعنا ببعض اكثر
وان كلن لزاما ان نحافظ على لغتنا الجميله ( العربية )

لكن معلش سماح المرة دى
من زمان .. زماااااااااااااااااااااان قوى
وانا نفسى اعرف عادات شعوب الارض فى رمضان واعيادهم
وطقوس زواجهم ...وكل شئ فى ايامهم العادية حتى فى طقوس عزائهم وانتهيت اننا متشابهين ومتقاربين جدا فى هذه العادات والتقاليد .. حتى حضارتنا ايضا بها تقارب شديد
اعتقد ان المنتدى ده هايكون مميز وحافل
اعتقد ذلك
ياترى هاتكسفونى ولا هاتبخلوا علينا بزيارة بلادكم والتعرف عليكم
لنستزيد ونتقارب ان لم نكن قريبين فعلا من تلك العادات والتقاليد
يلا نبدأ
اقول لكم حاجة .. كان فى رمضان من حوالى 6 سنين
شفت برنامج فى رمضان اسمه قرقيعان
تعجبت من الاسم كتير
واضطريت اشوف البرنامج عشان افهم
وبرضه مافهمتش حاجة
بحثت عن القرقيعان ووجدته
عادة وتقليد معروف فى البلدان الخليجية
ووجدتها تشبه كتير بل وموجودة عندنا فى مصر
بس مش اسمها قرقيعان ولا ليها اسم خالص
لكن عادة تعودنا عليها
هااضيف لكم معنى قرقيعان
واكيد هيا موجودة عند بلاد عربية كتير
ولكم التأكيد على ذلك

يلا بينا نبوح ونفتح صندوق ذكرياتنا مع عادتنا الجميله

ولكم كل التقدير والحب سادتى
امكم
المحبة للمصطفى

........