كلمات اغنية تتر بداية مسلسل زلزال
لقيت الدنيا حالفة ما تدي مفتاحها
لقلبي وشايلة ناس خاينين على جناحها
أخبط مهما أخبط برضه مقفولة
ويجي خسيس بكل سهولة يفتحها
بتقوى الدنيا كل ما تكتشف وخوفي
ذنبي اني اتولدت يتيم ودي ظروفي
ولو شراني يعني تبقي مبسوطة
هكون قدك يا دنيا وبكرة هتشوفي
غطايا الستر وقت الشدة ولحافي
وهمشي في سكة الخير حتى لو حافي
بناقص مال حرام لو كان مفيش غيره
وراس مالي بقا الرضا بالقليل كافي
عزيز النفس عمر ما ينكسر عودي
وصعب الشر يظهر تاني في وجودي
لو شراني يعني هتبقي مبسوطة
هكون قدك يا دنيا وبكرة بكرة هتشوفي
لعبت اللعبة وياهم بأسلوبي
عجبت الكل لما طلعت من توبي
وكان ناقص كمان ابليس يصقفلي
وبكسب بس مال وزيادة في ذنوبي
مشيت في الشر يمكن اكون غلطت في يوم
مفيش حد النهاردة من الغلط معصوم
ومين فينا الشيطان معرفش يوصله
لكن بس الجدع اللي بيقع ويقوم
غطايا الستر وقت الشدة ولحافي
وهمشي في سكة الخير حتى لو حافي
بناقص مال حرام لو كان مفيش غيره
وراس مالي بقا الرضا بالقليل كافي
.........
الإثنين أغسطس 05, 2019 1:23 pm