(شارع الأشراف ---- قطعة من البقيع في مصر )
********************************
لابد من الدولة الاهتمام بة
**********************
ليكون مزار للسياحة الدينية ------ومن فيه من أهل بيت النبوة--- عمان
الرسول وال بيت رسول الله عشان الناس اللى عايزة تزور سادتنا أهل
البيت ويتعلموا يبدأوا يزورون مين من الصدر الأول من أهل البيت
فى ناس ممكن تاخد الفكرة على إعتبار إنه ارث تاريخى حفلت به القاهرة
موافق طالما حتزور والمحبة تيجى فى قلبك لما تدخل عندهم روضاتهم
وفى ناس نفسها تشوف ايه ده بس مش عارفين يبتدوا إزاى
كل ده ساهل المهم أنك تزورهم وتعرف مين هما أهل بيت حضرة النبى
شارع الأشراف فيه ستنا السيدة نفيسة العلوم رضى الله عنها
وستنا السيدة سكينة بنت مولانا الإمام الحسين
وستنا السيدة رقية بنت سيدنا على كرم الله وجهه وهذا ماذكره سيد
على الخواص بنفسه
وستنا السيدة عاتكة وسيدى محمد الأنور عم السيدة نفيسة بن سيدى
زيد الأبلج بن مولانا الإمام الحسن السبط
وسيدى على الجعفرى وسيدى محمد بن السيدة سيرين أخت السيدة
مارية القبطية
ده إسمه كدة شارع الأشراف وفيه غيرهم رضى الله عنهم فى نفس
الشارع وماتفرع منه والشارع بعد جامع بن طولون
انت روحت إتفسحت فى أماكن كتير روحت أماكن فيها ترفيه عن
جسدك فيها إحتواء لطاقتك كشاب فيها إشباع لحب التجوال روحت
أماكن كتير لكن جرب تروح عند أهل البيت لأن دى الأماكن الوحيدة اللى
تقدر فيها تحس بمعنى نقاء الروح لما ربنا خلقها على فطرتها
أنا مش بدلل على أهل البيت هم أعظم من ذلك وهم قد قالوا من أردناه
أحببناه حتى أحبنا فبحبنا له أحبنا
لكن كلنا أصبحنا على يقين من الواقع أننا طلعنا من فترة خداع بإسم
مززممممم الدين كبير وفى فراغ روحى رهيب لم يكن المتأسلمة قد ملؤه
حتى يتركوه فارغاً لكنهم أوهموا الناس أنهم أهل دين وأبعدونا عن
أصحاب وأهل الدين الحقيقين والسكة السليمة
فالناس عندها حالة فراغ دينى او روحى ان صح التعبير
عشان كدة تلاقى شباب كتير يروحوا يحضروا حفلات الإنشاد الدينى
والمولوية وغيره الناس عندها تعطش لكن مش عارفين يحددوا أول
خطوة لهم فى الطريق ده تكون إزاى
روح بس عند أهل البيت والباقى عليهم
( اللهم صلي على سيدنا محمد وعلى ال سيدنامحمد الاطهار)
..................................
الأحد ديسمبر 08, 2019 8:39 am