اهداء الى احبابنا الكرام اعضاء الملتقى الكريم
النور المحمدى
والى احبابنا فى الملتقى اهل الجزائر الكرام حفظهم الله
وادام الحب والوصل بين شعوب الارض جميعا
رابط التحميل (mp3) :
[ندعوك للتسجيل في المنتدى أو التعريف بنفسك لمعاينة هذا الرابط]بدّيت كلامي باللام ...والطّلْبة(1) هزّوا الكلام
و الّي ما صلّى ما صام ... راهُو في الزمْهَرية(2)
الله الله لا إله إلا الله
الله الله و الدنيا غلابة
بدّيت كلامي بالنون .... ما ندري بالعمر يهون
نعيا في حفرة مردوم ... في القبور المنسية
الله الله لا إله إلا الله
الله الله و الدنيا غلابة
بدّيت كلامي بالطاء ... حفروا قبري وتوطّا
خايف من ذيك اللقطة ... وحدي لا حدّ معايا
الله الله لا إله إلا الله
الله الله و الدنيا غلابة
بدّيت كلامي بالصّاد ... دفنوني والغاشي صاد(3)
كي نضت(4) ضربوني الالحاد ... وحدي لا حدّ معايا
الله الله لا إله إلا الله
الله الله و الدنيا غلابة
يا بَنُو آدم يا مغرور ... تجري في الدنيا و تدور
تحرث و تعزل في البُور ... مدّياتك (5) هاوية
الله الله لا إله إلا الله
الله الله و الدنيا غلابة
----------
تفسير الكلمات(1) = الطّلبة هم طلبة العلم الشرعي والأئمة
(2) = راهُو في الزمهرية : هو في جهنّم
(3) = الغاشي صادّ : الغاشي : النّاس ، صادّ : ملتفتْ ومدبر
(4) = كي نضْت : لمّا أفقت
(5) = مدّياتك : أخذتك ، أعطتك
وصلّى الله على سيّدنا محمّد وعلى آله وصحبه وسلّم كثيرا
خادمتكم
المحبة للمصطفى
....
الجمعة سبتمبر 07, 2012 7:29 am
